இன்று சர்வதேச தொழில் முனைவோர் தினம்: சென்னையில் சிறப்பு விழா ஏற்பாடு

0
இன்று சர்வதேச சிறு,குறு மற்றும் நடுத்தர தொழில் முனைவோர் (MSME) தினத்தை முன்னிட்டு சென்னையில் தொழில்முனைவோர்கள், மாணவ கண்டுபிடிப்பார்களை கெளரவிக்கும் விழா நடைபெறுகிறது.

இது குறித்து தமிழக அரசு வெளியிட்ட செய்தி குறிப்பு:

நாட்டின் ஒட்டு மொத்த முன்னேற்றத்திற்கு MSME நிறுவனங்கள் முக்கிய அங்கம் வகிக்கிறது. இதனை கருத்தில் கொண்டு ஐக்கிய நாடுகள் கூட்டமைப்பின் பொதுச்சபை MSME நிறுவனங்களை அங்கீகரித்து மேலம் ஊக்கப்படுத்தும் விதத்தில் ஒவ்வொரு ஆண்டும் ஜூன் 27ம் தேதி அன்று சர்வதேச MSME நாளாக அறிவித்துள்ளது.

இதன் அடிப்படையில் தமிழக அரசின் சார்பாக தொழில் முனைவோர் மேம்பாடு மற்றும் புத்தாக்க நிறுவனம் சென்னை, ஒவ்வொரு ஆண்டும் இந்நாளை வெகு விமரிசையாக கொண்டாடி வருகிறது. MSME நிறுவனங்களின் உரிமையாளர்களை பாராட்டி சிறப்பு செய்து, MSME துறையின் முக்கியத்துவத்தை பற்றி இளைஞர்களிடம் சென்றடைய வழிவகுக்கிறது.

இந்தாண்டும் இன்று தொழில் முனைவோர் மேம்பாடு மற்றும் புத்தாக்க நிறுவனம் சென்னையில் சர்வேதச MSME தின்ததை கொண்டாட முடிவு செய்துள்ளது.

சென்னை அண்ணா சாலையில் உள்ள The Raintree ஹோட்டலில் நடைபெறும் இந்த விழாவில் பெரும் அளவில் தொழில் முனைவோர்கள், இளைஞர்கள், பெண்கள், பல்துறைவல்லுநர்கள் கலந்து கொள்கிறார்கள். இறையன்பு ஐஏஎஸ் துவக்க உரை ஆற்ற உள்ளார். மேலும், தர்மேந்திர பிரதாப் யாதவ் ஐஏஎஸ், ராஜேந்திர குமார் ஐஏஎஸ் உள்ளிட்ட பல அதிகாரிகள் கலந்து கொள்கின்றனர்.

இவ்வாறு அந்த செய்திகுறிப்பில் தெரிவிக்கப்பட்டுள்ளது.

Leave A Reply

Your email address will not be published.