இவங்க ரெண்டு பேரும் தான் இப்ப இந்தியாவுக்கு கிடைச்ச பொக்கிஷம்: கோலி!

இந்தியா வந்துள்ள விண்டீஸ் அணி, 2 டெஸ்ட், 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. டெஸ்ட் தொடரை இந்திய அணி, 2-0 என கைப்பற்றி அசத்தியது.

இதையடுத்து முதல் நான்கு ஒருநாள் போட்டியில் இந்திய அணி 2-1 என முன்னிலையில் உள்ளது. இந்நிலையில் திருவனந்தபுரத்தில் நடந்த இரு அணிகள் மோதிய கடைசி ஒருநாள் போட்டியில் இந்திய அணி 9 விக்கெட் வித்தியாசத்தில் வெற்றி பெற்றது.

இதையடுத்து இந்திய அணி, 3-1 என ஒருநாள் தொடரை, கைப்பற்றியது. இந்நிலையில், கலீல் அஹமது, ராயுடு ஆகியோர் இந்த விண்டீஸ் தொடரில், இந்திய அணிக்கு கிடைத்த பொக்கிஷம் என இந்திய கேப்டன் விராட் கோலி, பயிற்சியாளர் ரவிசாஸ்திரி ஆகியோர் பாராட்டியுள்ளனர்.

இதுகுறித்து விராட் கோலி கூறுகையில், ‘இத்தொடருக்கு முன்பாக இரண்டு இலக்குகள் நிர்ணயித்தோம். பேட்டிங்கில் 4வது இடமும், மூன்றாவது வேகப்பந்து வீச்சாளர் தேர்வு. இது இரண்டும் இத்தொடரில் கிடைத்து விட்டது. கலீல் சிறப்பாக செயல்பட்டார். பேட்டிங்கில் ராயுடு 4வது இட வாய்ப்பை சிறப்பாக பயன்படுத்திக்கொண்டார். இவர்கள் இருவரும் தற்போது இந்திய அணிக்கு கிடைத்த பொக்கிஷம்.’ என்றார்.

இதேபோல பயிற்சியாளர் ரவி சாஸ்திரி கூறுகையில், ‘கிட்டத்தட்ட இரண்டு ஆண்டுக்கு பின் அணியில் இடம் பெற்ற ராயுடுவை நினைத்தால் மகிழ்ச்சியாக உள்ளது. கலீல் வாய்ப்பை சிறப்பாக பயன்படுத்திவிட்டார்.’ என்றார்.