இவரு அப்பவே இப்பிடின்னா… இனிமே இன்னும் என்னென்ன பண்ண காத்திருக்காரோ?

இந்திய கிரிக்கெட் அணியின் முன்னாள் அதிரடி அதிரடி மன்னன் சேவாக்கு பின் அதிரடி துவக்கம் அளிக்கும் வீரர் இந்தியா அணிக்கு இதுவரை கிடைக்கவில்லை. இந்நிலையில் இந்த நீண்ட தேடுதலுக்கு ஏற்ப, பிரித்வி ஷா கிடைத்துள்ளார்.

இவரை அடையாளம் காட்டியது கடந்த ஆண்டு ஐபிஎல் தொடர் தான். தனது 18 வயதில் பிரித்வி அதிரடி பேட்டிங்கால் அனைவரையும் கவர்ந்தார். இதன் பின் இந்திய அணியில் இவருக்கு வாய்ப்பு கிடைத்தது. அதை சரியாக பயன்படுத்திக்கொண்ட பிரித்வி, விண்டீஸ் அணிக்கு எதிரான தனது அறிமுக டெஸ்ட்டில் சதம் அடித்து அசத்தினார்.

இந்நிலையில் தனது 14 வயதிலேயே, பிரித்வி ஷா சிறுவர்களுக்கான டெஸ்டில் சாதனை படைத்துள்ளார். ஹாரிஸ் ஷீல்ட் சிறுவர்கள் கிரிக்கெட்டில் 330 பந்தில் 546 ரன்கள் குவித்து அனைவரையும் அசர வைத்துள்ளார். சிறுவர்களுக்கான கிரிக்கெட்டில் அதிக ரன்கள் குவித்தவர் என்ற சாதனைக்கு இவர் தான் சொந்தக்காரர்.

இந்நிலையில் பிரித்வி ஷா, ஜாம்பவான் சச்சினிடம், மும்பையில் உள்ள எம்.ஐ.ஜி கிரிக்கெட் கிளப்பில் பயிற்சி பெறவுள்ளார். ஆஸ்திரேலியாவுக்கு எதிரான தொடரில் சாதிக்க, அதற்கு தயாராக சச்சின் இப்பயிற்சியை பிரித்விக்கு அளிக்கவுள்ளார்.