என்ன ஆச்சு ‘தல’… ஏன் இப்படி…? : தொடரும் தோனி சொதப்பல்…. நொந்து போன ரசிகர்கள்!

புதுடெல்லி: முன்னாள் இந்திய கிரிக்கெட் கேப்டன் தோனியின் ‘பேட்டிங்’ சொதப்பல் தொடர்ந்த வண்ணம் உள்ளதால் ரசிகர்கள் விரத்தியடைந்துள்ளனர்.

ஆஸ்திரேலியா சென்றுள்ள இந்திய அணி 3 டி-20, 4 டெஸ்ட், 3 ஒருநாள் போட்டிகள் கொண்ட தொடரில் பங்கேற்கிறது. டி-20 தொடர் சமனில் முடிந்தது. இதுவரை ஆஸ்திரேலிய மண்ணில் டெஸ்ட் தொடரை வெல்லாத இந்திய அணி, இம்முறை சாதிக்கும் என எதிர்பார்க்கப்பட்டது.

71 ஆண்டு கனவு….
ரசிகர்களின் எதிர்ப்பார்ப்பை போலவே,இந்திய அணி 2-1 என ஆஸ்திரேலிய மண்ணில் தனது 71 ஆண்டு கனவை நினைவாக்கி வரலாறு படைத்தது.

ஒருநாள் தொடரில் சொதப்பல்…
இந்நிலையில் ஆஸ்திரேலிய அணிக்கு எதிராக தற்போது இந்திய அணி, 3 போட்டிகள் கொண்ட ஒருநாள் தொடரில் பங்கேற்கிறது. இதன் முதல் போட்டி சிட்னியில் நடந்தது.

இதில் ஆஸ்திரேலிய அணியின் இளம் வேகப்பந்து வீச்சாளர்களை சமாளிக்க முடியாமல் இந்திய அணி 34 ரன்கள் வித்தியாசத்தில் தோல்வியை சந்தித்தது.

அவுட் சர்ச்சை:
இதில் முன்னாள் இந்திய கேப்டன் தோனி, அரைசதம் அடித்த போதும் அவரின் பேட்டிங் மீண்டும் விமர்சனத்துக்கு ஆளாகியுள்ளது. 96 பந்தில் தோனி 51 ரன்கள் எடுத்த போது பெஹன்டிராப் பந்தில் அம்பயரின் தவறான முடிவால் ரிவியூ இல்லாத் காரணத்தால் வெளியேறினார்.

16 ஓவரை முழுங்கிய தோனி:
இந்த 50 ஓவர் போட்டியில் முன்னதாக களமிறங்கிய தோனி மொத்தம் 16 ஓவர்களை (96 பந்துகள்) எதிர்கொண்டுள்ளார். அதில் இவர் முதல் 6 ரன்கள் எடுக்க 37 பந்துகள் எடுத்துக்கொண்டார். கடைசியில் இவர் விரைவாக ரன்கள் சேர்க்க முயன்ற போதும், முன்பு போல தோனியால் பேட்டிங் செயல்பட முடியவில்லை என்பது தெளிவாக தெரிந்தது.

10 வருஷத்தில்….
தவிர, ஒரு ஓவருக்கு வெறும் 4.2 ரன்கள் சேர்த்த தோனி, 96 பந்து அல்லது அதற்கு மேல் எதிர்கொண்டு கடந்த 10 ஆண்டுகளில் மிகவும் ஆமை வேகத்தில் ரன்கள் சேர்த்தது இது இரண்டாவது முறையாகும்.

MS Dhoni * முன்னதாக கடந்த 2017ல் விண்டீஸ் அணிக்கு எதிரான ஒருநாள் போட்டியில் தோனி ஆமை வேகத்தில் விளையாடினார். * கடந்த 12 மாதத்தில் 21 போட்டியில் விளையாடியுள்ள தோனியின் சராசரி 27.2 ஆகவுள்ளது. அதிகபட்ச ஸ்கோர் 51 ஆகும். * தவிர, கடந்த ஜூலை 2018 முதல் இந்திய அணியின் இக்கட்டான சூழ்நிலையில் தோனி ‘பேட்டிங்’ செய்ய களமிறங்கிய போதும், எல்லா போட்டியிலும் இப்படி ஆமை வேகத்தில் விளையாடுவதை தோனி வழக்கமாக வைத்துள்ளார்.

தோனி ‘10,000’…..
இதில் தோனி இந்திய அணிக்காக ஒருநாள் போட்டிகளில் 10,000 ரன்களைக் கடந்த 5வது இந்தியா் என்ற பெருமையை பெற்றாா்.