ஓடும் பேருந்தில் இருந்து ஜடேஜாவை பாதியில் துரத்திவிட்ட வார்னே!!

ஆஸ்திரேலிய அணியின் முன்னாள் வீரரான வார்னே, ‘நோ ஸ்பின்’ (No Spin) என்ற தனது சுயசரிதை புத்தகத்தில், ஜடேஜாவை ஓடும் பேருந்தில் இருந்து துரத்திவிட்டது பற்றி தெரிவித்துள்ளார்.

ஆஸ்திரேலிய அணியின் நட்சத்திர பந்துவீச்சாளராக திகழ்ந்தவர் ஷேன் வார்னே. இவர் தனது வாழக்கை வரலாற்றை ‘நோ ஸ்பின்’ என்ற பெயரில் சுயசரிதையாக வெளியிட்டுள்ளார். இந்தப் புத்தகத்தில் அவர், ராஜஸ்தான் அணியின் கேப்டனாக இருந்த போது, எதிர்கொண்ட பிரச்சனைகளையும் அனுபவங்களையும் பகிர்ந்துள்ளார்.

அதில், முகமது கைஃப், தனக்கு பெரிய அறை வேண்டும் என கேட்டது பற்றியும், முனாப் பட்டேல், மிகவும் வெளிப்படையாக, சிரிப்பு உணர்வோடு பேசியது குறித்தும் அவர் அதில் பகிர்ந்துள்ளார்.

தனது புத்தகத்தில், தற்போது இந்தியாவின் முன்னணி ஆல்ரவுண்டராக திகழும் ரவீந்தர ஜடேஜாவைப் பற்றி குறிப்பிட்டுள்ள வார்னே, “ஜடேஜா விளையாடிய விதமும் அவரின் உற்சாகமும் எங்களுக்கு அவரை மிகவும் பிடித்தவராக்கியது. ஆனால், அவர் ஒழுக்கமில்லாமல் நடந்து கொண்டது பிரச்சனையாக இருந்தது. இதுபோன்ற பிரச்சனைகள் இளம் வீரர்களை தவறாக வழிநடத்தும்.

ஒரு சில விஷயங்களை நான் பொறுத்துக் கொள்வேன். ஆனால், காலதாமதமாக வருவதை நான் ஏற்றுக்கொள்ள மாட்டேன். முதல் முறை, பேக் மற்றும் உபகரணங்களில் குழப்பம் இருந்தததால் லேட் ஆனது, அதை நான் ஏற்றுக்கொண்டேன். இரண்டாவது முறையும் லேட்டாகவே வந்தார். டீம் பஸ் 9 மணிக்கு கிளம்பும், ரவி லேட்டாக வருவார். இதனால், அவரை விட்டுவிட்டே கிளம்புவோம். இதனால், அவர் தாமாகவே மைதானத்திற்கு வரவேண்டி இருந்தது.

ஒரு முறை, பயிற்சி முடிந்து ஹோட்டலுக்குத் திரும்பும்போது, பேருந்தை பாதியிலேயே நிறுத்தி, லேட்டாக வந்ததால் ஜடேஜாவை கீழே இறங்கி நடந்து வரும்படி கூறினேன். அப்போது, ஜடேஜா உடனிருந்த மற்றொரு இளம் வீரர் கிண்டல் அவரைக் செய்ததால், அவரையும் கீழே இறங்க சொன்னேன். அந்த சம்பவத்திற்குப் பிறகு யாரும் காலதாமதமாக வரவில்ல்லை” என தெரிவித்துள்ளார்.