தமிழ்நாடு மத்திய பல்கலைக்கழகத்தின் புதிய வேந்தராக ஜி.பத்மநாபன் நியமனம்!!

திருச்சி: திருவாரூரில் உள்ள தமிழ்நாடு மத்திய பல்கலைக்கழகத்தின் புதிய வேந்தராக இந்திய அறிவியல் கழகத்தின் முன்னாள் இயக்குநர் ஜி.பத்மநாபன் நியமிக்கப்பட்டுள்ளார்.

திருவாரூரில் உள்ள தமிழ்நாடு மத்திய பல்கலைக்கழகத்தின் வேந்தராக இருந்த வி.கிருஷ்ணமூர்த்திக்கு பதிலாக புதிய வேந்தராக பத்மநாபன் நியமிக்கப்பட்டுள்ளார். இது குறித்து கூறிய பள்ளியின் துணைவேந்தர் ஏ.பி.தாஸ், “அவரின் நியமனத்தால் பல்கலைக்கழகத்தின் ஆராய்ச்சித்துறை மேலும் வளர்ச்சியடைய வகை செய்யும்” என நம்பிக்கை தெரிவித்துள்ளார்.

இதனிடையே, தனது நியமனம் குறித்து கருத்து தெரிவித்த ஜி.பத்மநாபன், “பல்கலைக்கழகம் ஆரம்பிக்கப்பட்டு சில ஆண்டுகளே ஆன போதும், தொடர்ந்து வளர்ந்து வருகிறது. நாட்டின் பல பகுதிகளில் இருந்தும் இங்கு மாணவர்கள் கல்வி பயில்வது மகிழ்ச்சி அளிக்கிறது” என தெரிவித்துள்ளார்.

தஞ்சாவூரைச் சேர்ந்த ஜி.பத்மநாபன், இந்திய அளவில் உயிரிவேதியியல் மற்றும் உயிரியல் தொழில்நுட்பம் உள்ளிட்ட துறைகளில் மிகப்பெரிய அளவில் பங்காற்றியுள்ளார் என்பது குறிப்பிடத்தக்கது.

Leave a Reply

Your email address will not be published.