நீட் தேர்வில் ஜீரோ மதிப்பெண் பெற்ற மாணவர்களுக்கு எம்பிபிஎஸ் சீட்! அதிர்ச்சி தகவல்

கடந்தாண்டு நீட் தேர்வில் ஜீரோ மதிப்பெண்கள், நெகட்டிவ் மார்க் எடுத்த சுமார் 110 மாணவர்களுக்கு தனியார் மருத்துவ கல்லூரியில் எம்பிபிஎஸ் சீட் கொடுக்கப்பட்ட சம்பவம் வெளிச்சத்திற்கு வந்துள்ளது.

மருத்துவ படிப்பிற்கான அறிவிப்பின்படி, இயற்பியல், வேதியியல், உயிரியியல் பாடங்களில் குறைந்த பட்சம் 50% மதிப்பெண்கள் பெற்றிருக்க வேண்டும். ஆனால், மருத்துவம் படிப்பதற்கான தகுதி இல்லாத 110 மாணவர்களுக்கு சில தனியார் மருத்துவக்கல்லூரிகள் மருத்துவப்படிப்பதற்கு சீட் கொடுத்துள்ளது

இது குறித்து டைம்ஸ் ஆப் இந்தியா நாளிதழ் வெளியிட்ட செய்தியின்படி, கடந்த 2017ம் ஆண்டு நடைபெற்ற நீட் தேர்வு முடிவுகளின்படி, சுமார் 400 மாணாக்கர்கள் ஒற்றை எண் மதிப்பெண்கள் மட்டுமே பெற்றுள்ளார்கள். குறிப்பாக இயற்பியல், வேதியியல், உயிரியியல் பாடங்களில் கட் ஆப் மதிப்பெண்கள் பெறவில்லை. மேலும், சுமார் 110 மாணவர்கள் நீட் தேர்வில் சுழியம் மதிப்பெண்களும், நெகட்டிவ் மார்க்குகளும் பெற்றுள்ளார்கள்.

கடந்தாண்டு மருத்துவ படிப்பில் சேர்ந்த மாணவர்களின் எண்ணிக்கை, நீட் தேர்வில் அவர்கள் எடுத்த மதிப்பெண்கள் குறித்த முழுமையான விபரங்களின்படி, 1,990 மாணவர்கள் நீட் தேர்வில் 720 மதிப்பெண்களுக்கு வெறும் 150 மதிப்பெண்கள், அதற்கு கீழ் வாங்கியவர்கள் என்று கூறப்பட்டுள்ளது.

Leave a Reply

Your email address will not be published.