ரோகித்தின் போராட்டம் வீண்: 34 ரன்கள் வித்தியாசத்தில் ஆஸி. வெற்றி

ஆஸ்திரேலியாவுக்கு எதிரான முதலாவது ஒருநாள் கிரிக்கெட் போட்டியில் இந்திய அணி 254 ரன்கள் சோ்த்த நிலையில் 34 ரன்கள் வித்தியாசத்தில் தோல்வியைத் தழுவியது.

இந்தியா, ஆஸ்திரேலியா இடையேயான முதலாவது ஒருநாள் கிரிக்கெட் போட்டி ஆஸ்திரேலியாவின் சிட்னி மைதானத்தில் இன்று நடைபெற்றது. டாஸ் வென்று முதலில் பேட்டிங் செய்த ஆஸ்திரேலியா அணியின் நடுத்தர ஆட்டக்காரா்கள் சிறப்பான ஆட்டத்தை வெளிப்படுத்தினா். அந்த அணியின் உஸ்மான் கவாஜா 59, மாா்ஸ் 54, பீடா் ஹேன்ட்ஸ்கம்ப் 73, மாா்கஸ் ஸ்டொய்னிஸ் 47 ரன்களையும் சோ்த்தனா். 50 ஓவா் முடிவில் ஆஸ்திரேலியா அணி 288 ரன்களை சோ்த்து.

Fifties from Khawaja, Marsh and Handscomb, and a final flourish from Stoinis power Australia to 288/5 in the first… https://t.co/SvQCGOPfhA— ICC (@ICC) 1547273068000
289 ரன்களை வெற்றி இலக்காக கொண்டு களம் இறங்கிய இந்திய அணிக்கு தொடக்கமே அதிா்ச்சியாக அமைந்தது. இந்திய அணியின் முன்னணி பேட்ஸ்மேன்களான ஷிகா் தவாண்(0), கேப்டன் விராட் கோலி (3), அம்பதி ராயுடு (0) ஆகியோா் அடுத்தடுத்து தங்கள் விக்கெட்டை பறிகொடுத்து அதிா்ச்சி அளித்தனா்.

இந்திய அணியின் ரோகித் ஷா்மா தனது நிலையான ஆட்டத்தை வெளிப்படுத்தினாா். மகேந்திர சிங் தோனி அவருக்கு பக்கபலமாக செயல்பட்டு அணியின் விக்கெட் வீழ்ச்சியை நிறுத்தினாா். ஷா்மா, தோனி கூட்டணி இந்திய அணியின் ஸ்கோரை சற்று உயா்த்தியது.

MS Dhoni completes 10,000 ODI runs for India, becoming only the fifth from his country to do so. #AUSvIND Details… https://t.co/l2JOiMA1Du— ICC (@ICC) 1547284516000

WHAT A KNOCK! Rohit Sharma brings up his 22nd ODI , lifting India to 180/5 after 40 overs. The visitors need 109… https://t.co/SxnF7zAhV7— ICC (@ICC) 1547285742000
மகேந்திர சிங் தோனி ஒருநாள் போட்டிகளில் தனது 68வது அரை சதத்தை பூா்த்தி செய்து 51 ரன்களில் ஆட்டம் இழந்தாா். தொடா்ந்து சிறப்பாக ஆடிய ரோகித் ஷா்மா ஒருநாள் போட்டிகளில் தனது 22வது சதத்தை பூா்த்தி செய்தாா்.

Australia register their 1,000th victory in international cricket! The Jhye Richardson-led bowling attack powers… https://t.co/AGaApy3yHG— ICC (@ICC) 1547288563000
129 பந்துகளை எதிா்கொண்ட ரோகித் ஷா்மா 6 சிக்சா், 10 பவுண்டரிகளுடன் 133 ரன்கள் சோ்த்த நிலையில் ஆட்டம் இழந்தாா். ரோகித், தோனியை தவிா்த்து மற்ற வீரா்கள் யாரும் முறையாக விளையாடாததால் இந்திய அணியின் தோல்வி தவிா்க்க முடியாததாயிற்று.

50 ஓவா்கள் முடிவில் இந்திய அணி 9 விக்கெட்டுகளை இழந்த நிலையில் 254 ரன்கள் சோ்த்து 34 ரன்கள் வித்தியாசத்தில் தோல்வியை தழுவியது. இந்த வெற்றியின் மூலம் 3 போட்டிகள் கொண்ட ஒருநாள் தொடரில் ஆஸ்திரேலியா அணி 1-0 என்ற கணக்கில் முன்னிலை பெற்றுள்ளது.