ஷூட்அவுட்டில் டென்மார்க்கை வென்றது குரேஷியா!

0
நிஷ்னி நவ்கோராட்: உலகக் கோப்பை ஆட்டத்தில் முதல் 5 நிமிடத்துக்குள் தலா ஒரு கோல் அடித்த டென்மார்க் மற்றும் குரேஷியா, அதன்பின் 115 நிமிடங்களுக்கு மொக்கை போட்டன.

கடைசியில் ஷூட் அவுட்டில் 3-2 என வென்று காலிறுதிக்கு முன்னேறியது குரேஷியா. 21வது ஃபிபா உலகக் கோப்பை கால்பந்து போட்டிகள் ரஷ்யாவில் நடக்கின்றன. போட்டியில் பங்கேற்கும் 32 அணிகளும் தலா 4 அணிகள் என 8 பிரிவுகளாக பிரிக்கப்பட்டு முதல் சுற்று ஆட்டங்கள் நடந்து முடிந்துள்ளன.

அதில் நாக் அவுட் சுற்று ஆட்டங்கள் நடந்து வருகின்றன. இந்நிலையில் டென்மார்க் மற்றும் குரேஷியா மோதின.

இதில் முதல் நிமிடத்திலேயே டென்மார்க்கின் மதியாஸ் ஜோர்கன்சென் கோலடித்தார். 4வது நிமிடத்தில் குரேஷியாவின் மரியோ மண்ட்ஸ்க் கோலடித்து 1-1 என சமநிலையை உருவாக்கினார்.


ஆட்ட நேர இறுதியில் இரு அணிகளும் 1-1 என சமநிலையில் இருந்தன.

ஷூட்அவுட் வாய்ப்பு தரப்பட்டது. அதில் இரு அணிகளுக்கும் பதற்றத்தை ஏற்படுத்தின. முதல் வாய்ப்பை இரு அணிகளும் தவறவிட்டன. குரேஷியாவின் சார்பில் ஆண்ட்ரஜ் கிராம்னிக், லூகா மோட்ரிக், இவான் ரகிடிக் கோலடித்தனர். டென்மார்க்கின் சிமோன் ஜேயர், மைக்கேல் கிரோன் டெஸ்லி கோலடித்தனர். குரேஷியாவின் பாடேஜி, பிவாரிக் ஆகியோர் கோலடிக்கத் தவறினர். அதேபோல் டென்மார்க்கின் எரிக்சென், ஸ்கோன், ஜோர்கன்சன் ஆகியோர் கோலாக்கத் தவறினர். இதனால் 3-2 என்ற கணக்கில் வென்று காலிறுதிக்கு முன்னேறியது குரேஷியா.

Croatia to face denmark in the knock out match of the fifa world cup.

Leave A Reply

Your email address will not be published.