2வது டி20: புதிய ஆடுகளத்தில் இந்திய அணி முதலில் பேட்டிங்

விண்டீஸ் அணிக்கு எதிரான 2வது டி20 போட்டியில் இந்திய அணி முதலில் பேட்டிங் செய்கிறது.

இந்தியா வந்துள்ள வெஸ்ட் இண்டீஸ் அணி டெஸ்ட் மற்றும் ஒரு நாள் தொடர்களை இழந்தது. தொடர்ந்து மூன்று போட்டிகள் கொண்ட டி20 தொடர் நடைபெறுகிறது.

இதில் முதல் போட்டியில் இந்திய அணி 5 விக்கெட் வித்தியாசத்தில் வெற்றி பெற்றது. இரண்டாவது போட்டி லக்னோவில் இன்று நடக்கிறது. இதில் டாஸ் வென்ற விண்டீஸ் அணி முதலில் பந்துவீச முடிவுசெய்துள்ளது.

இந்திய அணியில் உமேஷ் யாதவுக்குப் பதில் புவேனஷ்குமார் சேர்க்கப்பட்டுள்ளார்.

இன்றைய போட்டி நடக்கும் பாரத ரத்னா அடல் பிகாரி வாஜ்பாய் மைதானம் சர்வதேச கிரிக்கெட் போட்டியை நடத்தும் 52வது மைதானம் என்ற பெருமையைப் பெறுகிறது. இந்திய ஆண்கள் கிரிக்கெட் அணி விளையாடும் இந்த மைதானத்தில் விளையாடும் முதல் சர்வதேசப் போட்டி இதுவாகும்.