Ajaz Patel: பாகிஸ்தானுக்கு எதிராக 4 ரன் வித்தியாசத்தில் நியூசிலாந்து த்ரில் வெற்றி : இந்திய பவுலர் அசத்தல்

அபு தாபி : பாகிஸ்தானுக்கு எதிரான முதல் டெஸ்ட் போட்டியில் நியூசிலாந்து அணி 4 ரன் வித்தியாசத்தில் த்ரில் வெற்றி பெற்றுள்ளது.

ஐக்கிய அரபு அமீரகத்தில் பாகிஸ்தான் – நியூசிலாந்து அணிகள் 3 டி20, 3 ஒருநாள், 3 டெஸ்ட் போட்டிகள் கொண்ட கிரிக்கெட் தொடரில் விளையாடி வருகின்றன.
டி20 தொடரை பாகிஸ்தானும், ஒருநாள் தொடர் 1-1 (ஒரு போட்டி முடிவு இல்லை) சமனில் முடிந்தது.

தற்போது டெஸ்ட் தொடர் நடந்து வருகின்றது. அபுதாபியில் நடந்த முதல் டெஸ்ட் போட்டியில் டாஸ் வென்ற நியூசிலாந்து அணி முதலில் பேட்டிங் செய்தது.

முதல் இன்னிங்ஸில் நியூசிலாந்து அணி 153 ரன்களில் ஆல் அவுட்டானது. தொடர்ந்து ஆடிய பாகிஸ்தான் 227 ரன்களுக்கு ஆல் அவுட்டானது.

2வது இன்னிங்ஸில் நியூசிலாந்து 249 ரன்கள் எடுத்தது.176 ரன்கள் எடுத்தால் வெற்றி என்ற இலக்கை நோக்கி விளையாடிய பாகிஸ்தான் அணி 171 ரன்கள் மட்டும் எடுத்து 4 ரன்கள் வித்தியாசத்தில் தோல்வியை சந்தித்துள்ளது.

பாகிஸ்தானின் கடைசி 3 வீரர்கள் ரன் எடுக்காமல் விக்கெட்டை இழந்தனர். ஒருவர் ரன் எதுவும் எடுப்பதற்கு முன் அனைத்து விக்கெட்டுகளும் பாகிஸ்தான் இழந்தது.

பாகிஸ்தான் அணியில் அதிகபட்சமaக இமாம் உல் ஹக் 27, அஜார் அலி 65, ஆஜாத் சஃபிக் 45 ரன்கள் எடுத்தனர். மற்ற வீரர்கள் சொர்ப ரன்னில் விக்கெட்டை இழந்தனர்.

Huge appeal for LBW..given! Ajaz Patel traps Azhar Ali in front of the stumps and New Zealand win by four runs! P… https://t.co/Knm72AJ8jU— ICC (@ICC) 1542623461000

ஹீரோ அஜாஜ் படேல் :இந்தியாவின் மும்பையை பூர்வீகமாக கொண்ட அஜாஜ் படேல் நியூசிலாந்து சார்பாக அறிமுக வீரராக களமிறங்கினார். இதில் அஜாஜ் படேல் முதல் இன்னிங்ஸில் 2 விக்கெட், 2வது இன்னிங்ஸில் 5 விக்கெட் வீழ்த்த பாகிஸ்தான் அணி வெறும் 4 ரன்கள் வித்தியாசத்தில் நியூசிலாந்து அணியிடம் தோல்வி அடைந்துள்ளது.