AUS v RSA: எப்படி இருந்த டீம் இப்படி ஆகிருச்சே? தொடர்ந்து 7 போட்டிகளில் தோல்வி!!

தென் ஆப்பிரிக்கா அணிக்கு எதிராக நடைபெற்ற முதல் ஒருநாள் போட்டியில் தோல்வியடைந்ததன் மூலம், ஆஸ்திரேலிய அணி ஒருநாள் போட்டியில் தொடர்ச்சியாக 7 போட்டிகளில் தோல்வியடைந்துள்ளது.

ஆஸ்திரேலியாவுக்குச் சுற்றுப்பயணம் மேற்கொண்டுள்ள தென் ஆப்பிர்க்கா அணி, 3 ஒருநாள் போட்டிகள் மற்றும் ஒரு டி20 போட்டி கொண்ட தொடரில் பங்கேற்று விளையாடி வருகிறது.

இந்நிலையில், இவ்விரு அணிகளுக்கும் இடையேயான முதல் ஒருநாள் போட்டி பெர்த் மைதானத்தில் இன்று நடைபெற்றது. இதில், டாஸ் வென்ற தென் ஆப்பிரிக்கா அணி கேப்டன் பேப் டு பிளிசிஸ் முதலில் பந்துவீச்சை தேர்வு செய்தார்.

இதைத் தொடர்ந்து களமிறங்கிய ஆஸ்திரேலிய அணி வீரர்கள், தென் ஆப்பரிக்க அணியின் பந்துவீச்சை எதிர்கொள்ள முடியாமல், அடுத்தடுத்து விக்கெட்களைப் பறிகொடுத்தனர். இதனால் அந்த அணி 38.1 ஓவர்களில் 152 ரன்களுக்கு அனைத்து விக்கெட்களையும் இழந்தது,

Relentless South Africa pacemen restrict Australia to 152 in the first ODI in Perth. Can their batsmen carry on the… https://t.co/sT8uRar8zO— ICC (@ICC) 1541313136000 இதையடுத்து, 153 ரன்கள் எடுத்தால் வெற்றி என்ற நிலையில் களமிறங்கிய தென் ஆப்பிரிக்கா அணி 29.2 ஓவர்களில் 4 விக்கெட்களை மட்டும் இழந்து வெற்றி இலக்கை எட்டியது. இதன்மூலம், தென் ஆப்பிரிக்கா அணி 1-0 என்ற கணக்கில் தொடரில் முன்னிலை பெற்றுள்ளது.

The great Dale Steyn is the Player of the Match for his seven-over spell of 2-18 that gave SA the ideal start… https://t.co/eMYP424nes— cricket.com.au (@cricketcomau) 1541325126000 இது ஒருபுறம் இருக்க, கிரிக்கெட் ஜாம்பவானாக இருந்த ஆஸ்திரேலிய அணி, பந்தை சேதப்படுத்திய சம்பவத்திற்குப் பிறகு, சர்வதேச போட்டிகளில் மிக மோசமாக விளையாடி வருகிறது. கடந்த 19 ஒருநாள் போட்டிகளில் ஆஸ்திரேலிய அணி 17 போட்டிகளில் தோல்வியைத் தழுவியுள்ளது.

It’s not been an impressive run for Australia in ODIs. Can they start the home summer with a series win over South… https://t.co/HBjJsmpODz— ESPNcricinfo (@ESPNcricinfo) 1541299460000
மேலும், ஆஸ்திரேலிய அணி முதல் முறையாக 7 போட்டிகளில் தொடர்ச்சியாக தோல்வியைச் சந்தித்து, மிக மோசமான சாதனையை நிகழ்த்தியுள்ளது. இந்த ஒருநாள் தொடரில் ஆஸ்திரேலிய அணி தோல்வி பெறும் பட்சத்தில், இது இருநாடுகள் பங்கேற்கும் ஒருநாள் தொடரில், ஆஸ்திரேலிய அணிக்கு தொடர்ச்சியான 5வது தோல்வியாக அமையும்.