BCCI: ஆஸ்திரேலியா தொடரை வென்று கொடுத்த வீரர்களுக்கு பதிலாக, பரிசுத் தொகை அள்ளிக் கொடுத்தது யாருக்கு தெரியுமா?

ஆஸ்திரேலியாவுக்கு எதிரான டெஸ்ட் மற்றும் ஒருநாள் தொடரை வென்று இந்தியா வரலாறு படைத்தது. இந்த சிறப்பான செயல்பாட்டுக்கு அணி வீரர்களை தேர்வு செய்த தேர்வாளர்களுக்கு திடீர் போனஸ் பரிசுத் தொகையை பிசிசிஐ அறிவித்துள்ளது.

ஆஸ்திரேலியா சுற்றுப் பயணம் மேற்கொண்ட இந்திய அணி 3 டி20, 4 டெஸ்ட் போட்டி, 3 ஒருநாள் போட்டிகளில் விளையாடியது. இதில் டி20 தொடரின் ஒரு போட்டி மழையால் பாதிக்கப்பட்டதால் 1-1 என சமனில் முடிந்தது.

தொடர்ந்து நடந்த டெஸ்ட் தொடரை 3-1 என வென்று வரலாறு படைத்தது. அதே போல் ஒருநாள் தொடரையும் 2-1 என வென்று ஆஸ்திரேலியாவில் முதன் முறையாக டெஸ்ட் மற்றும் ஒருநாள் தொடரை இந்திய அணி வென்று சாதனை படைத்தது.

இந்திய அணியின் சிறப்பான செயல்பாட்டுக்கு சிறப்பான அணியை தேர்ந்தெடுத்து கொடுத்த எம்.எஸ்.கே. பிரசாத், சரந்தீப் சிங், ஜாதின் பரஞ்செப், ககான் கோடா மற்றும் தேவாங் காந்தி ஆகிய 5 பேர் அடங்கிய தேர்வாளர்கள் குழு முக்கிய பங்கு வகித்ததாக பிசிசிஐ புகழந்துளது.

ஆஸ்திரேலியாவில் சிறப்பாக செயல்பட்ட அணியை தேர்வு செய்த தேர்வாளர்கள் குழுவுக்கு தலா ரூ. 20 லட்சம் பரிசுத் தொகையாக வழங்கப்படும் என பிசிசிஐ அறிவித்துள்ளது.