ICC Rankings: ஐசிசி ஒருநாள் தரவரிசை : முதலிடத்தில் கோலி, பும்ரா – வேகமாக முன்னேறிய ரோகித் சர்மா, சஹால்

வெஸ்ட் இண்டீஸ் அணிக்கு எதிரான ஒருநாள் தொடரில் இந்தியா தொடரை வென்ற நிலையில் இந்திய அணி வீரர்கள் பலர் ஐசிசி தரவரிசையில் நல்ல முன்னேற்றம் அடைந்துள்ளனர்.

இந்தியா சுற்றுப் பயணம் வந்துள்ள வெஸ்ட் இண்டீஸ் அணி 2 டெஸ்ட், 5 ஒருநாள், 3 டி20 போட்டிகளில் விளையாட வந்துள்ளது. இரண்டு டெஸ்ட் போட்டியிலும் இந்தியா அபார வெற்றியை பதிவு செய்தது. தொடர்ந்து நடந்த ஒருநாள் போட்டியில் இந்தியா 3-1 என்ற கணக்கில் வென்று கோப்பையை கைப்பற்றியது.

கோலி நம்பர் 1:ஏற்கனவே விராட் கோலி ஐசிசி தரவரிசை ஒருநாள் அரங்கில் முதலிடத்தை பிடித்திருந்தார். இந்நிலையில் மேலும் 15 புள்ளிகள் அதிகம் பெற்று தொடர்ந்து முதலிடத்தில் உள்ளார்.

அதே போல் பவுலர்கள் தரவரிசையில் பும்ரா 841 புள்ளிகளுடன் தொடர்ந்து முதலிடத்தில் உள்ளார்.

இந்நிலையில் ஒருநாள் பேட்ஸ்மேன்கள் தரவரிசையில் ரோகித் சர்மா 2வது இடத்தில் நீடிப்பதோடு, 871 புள்ளிகள் பெற்றுள்ளார்.

மற்றொரு மகிழ்ச்சிகரமான விஷயம் என்ன வெனில் பவுலர்கள் தரவரிசையில் குல்தீப் யாதவ் 3வது இடத்தில் இருப்பதோடு, சஹால் 8வது இடத்தில் உள்ளார்.