IND V WI: மேற்கிந்தியத் தீவுகள் அணிக்கு எதிரான ஒருநாள் தொடரை வென்றது இந்தியா!!

மேற்கிந்தியத் தீவுகள் அணிக்கு எதிரான ஒருநாள் தொடரை இந்திய அணி 3-1 என்ற கணக்கில் கைப்பற்றி சாதனை படைத்துள்ளது.

இந்தியாவிற்குச் சுற்றுப்பயணம் மேற்கொண்டுள்ள மேற்கிந்தியத் தீவுகள் அணி, 2 டெஸ்ட், 5 ஒருநாள் போட்டிகள் மற்றும் 3 டி20 போட்டிகள் கொண்ட தொடரில் விளையாடி வருகிறது. இதில் டெஸ்ட் தொடரை இந்திய அணி 2-0 என்ற கணக்கில் வெற்றி பெற்றது.

இதைத் தொடர்ந்து நடைபெற்ற ஒரு தொடரில் இரண்டில் இந்திய அணியும், ஒன்றில் மேற்கிந்தியத் தீவுகள் அணியும் வெற்றிப் பெற்றன. ஒரு போட்டி டிராவில் முடிந்தது. இதையடுத்து, இவ்விரு அணிகளுக்கும் இடையான ஐந்தாவது மற்றும் கடைசி ஒருநாள் போட்டி கேரளாவில் உள்ள திருவனந்தபுரத்தில் இன்று நடைபெற்றது.

இந்தப் போட்டியில் வென்று தொடரைக் கைப்பற்ற வேண்டும் என்ற முனைப்பில் இந்திய அணியும், இப்போட்டியில் வென்று தொடரை சமன் செய்ய வேண்டும் என்ற முனைப்பில் மேற்கிந்தியத் தீவுகள் அணியும் களமிறங்கியதால், ரசிகர்கள் மத்தியில் இப்போட்டி மிகுந்த எதிர்பார்ப்பை ஏற்படுத்தியது.

Innings Break! Windies dismissed for 104 runs in the 5th @Paytm ODI. #TeamIndia need 105 runs to win the match an… https://t.co/tHFYtdnvvL— BCCI (@BCCI) 1541067393000 இந்நிலையில் டாஸ் வென்று களமிறங்கிய மேற்கிந்தியத் தீவுகள் அணி வீரர்கள், இந்தியப் பந்துவீச்சாளர்களின் பந்துகளை எதிர்கொள்ள முடியாமல், மளமளவென விக்கெட்களைப் பறிகொடுத்தனர். மேற்கிந்தியத் தீவுகள் அணி, 31.5 ஓவர்களில் 104 ரன்களை மட்டும் எடுத்து அனைத்து விக்கெட்களையும் இழந்தது. அந்த அணியில் கேப்டன் ஹோல்டர் மட்டும் அதிகபட்சமாக 25 ரன்களை குவித்தார். இந்திய அணியில் சிறப்பாக பந்துவீசிய ரவீந்திர ஜடேஜா 4 விக்கெட்களைக் கைப்பற்றினார்.

FIFTY! The Hitman @ImRo45 looks in great touch as he brings up his 37th ODI half-century #INDvWI https://t.co/GlYXnG9vDM— BCCI (@BCCI) 1541071531000 இதன்பின், வெறும் 105 ரன்களை மட்டும் இலக்காக கொண்டு களமிறங்கிய இந்திய அணி 14.5 ஓவர்களில் 1 விக்கெட்டை மட்டும் இழந்து, 9 விக்கெட்கள் வித்தியாசத்தில் எளிதாக வெற்றி பெற்றது. இந்திய அணியில் ரோஹித் சர்மா 63 ரன்களுடனும், கேப்டன் கோலி 33 ரன்களுடனும் அவுட்டாகாமல் இருந்தனர். இந்த வெற்றியின் மூலம் இந்திய அணி ஒருநாள் தொடாரை 3-1 என்ற கணக்கில் கைப்பற்றியது.

And, it’s a wrap. #TeamIndia win the 5th @Paytm ODI by 9 wickets. #INDvWI https://t.co/uzYnO90u1K— BCCI (@BCCI) 1541071852000
சிறப்பாக பந்துவீசிய ரவீந்திர ஜடேஜாவுக்கு ஆட்ட நாயகன் விருதும், கேப்டன் கோலிக்கு தொடர் நாயகன் விருதும் வழங்கப்பட்டது. இதைத் தொடர்ந்து, இவ்விரு அணிகளுக்கும் இடையேயான டி20 தொடர் நவம்பர் 4 ஆம் தேதி தொடங்குகிறது.