India Vs West Indies 5th ODI: புத்திசாலித்தனமாக டிக்கெட்டை விற்றுத் தீர்த்த திருவனந்தபுரம் மைதானம்

திருவனந்தபுரம் : இந்தியா – வெஸ்ட் இண்டீஸ் அணிகளுக்கு இடையேயான 5வது மற்றும் கடைசி ஒருநாள் போட்டி இன்று கேரளாவின் திருவனந்தபுரம் கிரீன்ஃபீல்ட் சர்வதேச கிரிக்கெட் மைதானத்தில் நடைப்பெறுகிறது.

இந்த தொடரின் மற்ற 4 போட்டிகளை காட்டிலும், இன்றைய போட்டிக்கான டிக்கெட் அதிகளவில் விற்கப்பட்டுள்ளது. இதற்கு மைதான நிர்வாகத்தின் சாமர்த்தியம் தான் காரணம் என கூறப்படுகிறது.

30 ஆயிரம் டிக்கெட் : வெஸ்ட் இண்டீஸ் அணிக்கு எதிரான 4 போட்டிகள் முடிவில் இந்தியா 2-1 என முன்னிலை வகிக்கிறது. ஒரு போட்டி டிரா ஆனது. இதனால் இன்றைய போட்டி முக்கியத்துவமாக பார்க்கப்படுகின்றது. இருப்பினும் போட்டி வார நாட்களில் நடைப்பெறுவதால் போட்டியை பார்க்க ரசிகர்கள் வரத்து குறைவாக இருக்கும் என எதிர்பார்க்கப்பட்டது.
ஆனால் 45 ஆயிரம் பேர் அமரக்கூடிய மைதானத்தின் மொத்த கொள்ளளவில் 30 ஆயிரம் டிக்கெட்டுகளை நேற்று விற்று தீர்க்கப்பட்டுள்ளது.

ரூ. 1000 டிக்கெட் வெறும் 500 ரூபாய் :இந்த போட்டியை பார்க்க டிக்கெட் கட்டணமாக ரூ. 1000 வசூலிக்கப்பட்டது. ரசிகர்களின் எண்ணிக்கையை அதிகரிக்க வைக்க, கல்லூரி மாணவர்கள் தங்கள் கல்லூரி அடையாள அட்டையை காட்டி டிக்கெட் எடுத்தால், 1000 ரூபாய் டிக்கெட் வெறும் 500 ரூபாய் தான் என அறிவிக்கப்பட்டது.

Here’s all the action from the final training session. We are set for the 5th @paytm ODI in #Thiruvananthapuram tom… https://t.co/HJH3LT1Ocq— BCCI (@BCCI) 1540973294000

இதனால் 30 ஆயிரம் டிக்கெட்டுகள் வெகுவிரைவாக விற்றுத் தீர்ந்தன.
மீதமுள்ள 15 ஆயிரம் டிக்கெடுகள் போட்டியை நேரில் பார்க்க வரும் நாளில் ரசிகரள் வாங்கி விடுவார்கள் என மைதான நிர்வாகம் தெரிவித்துள்ளது.

வசூல் அதிகம் :அதிக விலைக்கு விற்று மைதானம் காலியாக இருப்பதை விட, சற்று குறைவான விலையில் டிக்கெட்டுகளை விற்று மைதானத்தையும், லாபத்தையும் நிரப்பலாம் என மைதான நிர்வாகம் திட்டமிட்டதே இவ்வளவு டிக்கெட்டுகள் விற்க காரணம் என கூறப்படுகின்றது.