MS Dhoni: தோனி மீண்டும் கேப்டன் ஆனதால் தேர்வு குழு அதிருப்தி – ஏன் தெரியுமா?

இந்திய வீரர் தோனிக்கு மீண்டும் கேப்டன் பொறுப்பு வழங்கப்பட்டதால் தேர்வு குழு அதிருப்தி அடைந்ததாக தகவல் தெரிவிக்கின்றன.

அண்மையில் முடிந்த ஆசிய கோப்பை கிரிக்கெட் தொடரில் இந்தியா 7வது முறையாக கோப்பையை வென்று அசத்தியது. இந்த தொடரில் இந்தியா, பாகிஸ்தான், வங்கதேசம், இலங்கை, ஆப்கானிஸ்தான், ஹாங்காங் ஆகிய நாடுகள் பங்குபெற்று விளையாடியது.

தோனிக்கு கேப்டன் பொறுப்பு:லீக் சுற்றில் ஹாங்காங்,பாகிஸ்தான் அணிகளை வீழ்த்தி சூப்பர் 4 சுற்றுக்கு முன்னேறியதால், ஆப்கானிஸ்தானுக்கு எதிரான போட்டியில் ரோகித் சர்மா, சிகர் தவான், புவனேஸ்வர் குமார், பும்ரா உள்ளிட்ட முன்னனி வீரர்களுக்கு ஓய்வு அளிக்கப்பட்டது.

இதனால் வேறு வழியின்றி கேப்டன் பொறுப்பு தோனிக்கு வழங்கப்பட்டது. இது தோனி கேப்டனாக விளையாடிய 200வது போட்டியாகும்.

தோனியால் அதிருப்தி:முக்கிய வீரர்களுக்கு ஓய்வளிக்கப்பட்டு இளம் வீரர்களுடன் விளையாடிய இந்திய அணிக்கு கேப்டனாக் தோனி செயல்பட்டார். தோனிக்கு கேப்டன் பொறுப்பை அளிக்கும் வகையில் சூழ்நிலை ஏற்பட்டதற்கு இந்திய அணி தேர்வு குழு அதிருப்தி தெரிவித்ததாக தகவல்கள் கூறுகின்றன.

ஆப்கானுக்கு எதிரான அந்த போட்டி வெற்றி -தோல்வியின்று டை ஆனது. போட்டி டை ஆனதை விட தோனிக்கு கேப்டன் பொறுப்பு வழங்கப்பட்டதால் அதிருப்தி அதிகமானதாக தேர்வு குழு கருதுகின்றனர்.