Virat Kohli:இந்தாண்டும் ஐசிசி டெஸ்ட் விருது இந்தியா பெறுவது உறுதி: காரணம் இது தான்

ஒவ்வொரு ஆண்டும் டெஸ்ட் தர வரிசையில் முதலிடத்தில் இருக்கும் அணிக்கு ஐசிசி கதா ஆயுதம் வழங்கப்பட்டு பரிசுத் தொகை வழங்குவது வழக்கம் அந்த வகையில் இந்தியா இந்தாண்டும் இந்த விருதை வாங்கும் என தெரிகிறது.

இந்தியா முதலிடம் :இந்திய அணி கடந்த சில ஆண்டுகளாக டெஸ்ட் தரவரிசையில் முதலிடத்தை கெட்டியாக பிடித்துக் கொண்டுள்ளது. இதன் காரணமாக அடுத்தடுத்து ஐசிசி டெஸ்ட் விருதை இந்தியா பெற்று வருகின்றது.

இந்தாண்டும் இந்த விருதை இந்தியா தக்க வைக்கும் என தெரிகிறது. ஏனெனில் இந்தியாவுக்கும், இந்தியாவை தொடர்ந்துள்ள தென் ஆப்ரிக்கா, இங்கிலாந்து ஆகிய அணிகள் ஓரிரு டெஸ்ட் போட்டிகளில் மட்டும் விளையாட உள்ளது. அதை தொடர்ந்து உலகக் கோப்பை தொடர் நடக்க உள்ளது.

இந்த அணிகள் தொடர் முழுவதையும் வென்றாலும் இந்திய அணியின் ரேட்டிங்கை தொட முடியாது.

விராட் கோலி முதலிடம்:அதே போல் டெஸ்ட் தரவரிசையில் முதலிடத்தில் உள்ள இந்திய கேப்டன் விராட் கோலி (922) தொடர்ந்து அந்த இடத்தை தக்க வைப்பார் என தெரிகிறது. 2வது இடத்தில் உள்ள நியூசிலாந்தின் கேன் வில்லியம்சன் 25 புள்ளிகள் குறைவாக 897 புள்ளிகளுடன் உள்ளார்.

டெஸ்டில் இந்திய அணி மற்றும் கேப்டன் கோலி முதலிடத்தில் தொடர்ந்து நீடித்து வருவது இந்திய அணிக்கு பெரிய பலமாக உள்ளது.

டெஸ்டில் புஜாரா பேட்ஸ்மேன் வரிசையில் 3வது இடத்திலும், பவுலரான பும்ரா 15வது இடத்திலும் உள்ளனர்.